திருக்கோவிலூர்: உலகளந்த பெருமாள் கோயிலில் பவித்ரோற்சவம்
திருக்கோவிலுார் உலகளந்த பெருமாள் கோயிலில் பவித்ரோற்சவ நிறைவு விழா நடந்தது. காலை 4: 30 மணிக்கு மூலவர் பெருமாள் விஸ்வரூப தரிசனம், 5: 00 மணிக்கு நித்திய கால பூஜை, 7: 30 மணிக்கு ஸ்ரீதேவி பூதேவி சமேத தேகளிச பெருமாள், புஷ்பவல்லி தாயார், சக்கரத்தாழ்வார், ராமானுஜர், மணவாள மாமுனிகள் சிறப்பு அலங்காரத்தில் யாகசாலையில் எழுந்தருளினர். மதியம் 10: 00 மணிக்கு உற்சவ மூர்த்திகளுக்கு பவித்திர மாலைகள் சாத்தப்பட்டு பட்டாச்சாரியார்களால் சுதர்சன ஹோமம், மகா பூர்ணகுதி நடந்தது. தொடர்ந்து சுவாமி ஆஸ்தானம் எழுந்தருளினார். திரளான பக்தர்கள் சுவாமி தரிசனம் செய்தனர்.
