அம்பலூர் அருகே பசுமாடு திருட்டு

திருப்பத்தூர் மாவட்டம் வாணியம்பாடி தாலுகா சிக்கனங்குப்பம் பகுதியை சேர்ந்த மோகன் வயது (55) பேக்கரி கடை நடத்தி வருகிறார். இவரது வீட்டில் 2 பசுமாடுகள், 2 கன்று குட்டிகள் உள்ளது. பகல் நேரங்களில் மேய்ச்சல் முடித்து இரவு நேரங்களில் பேக்கரி அருகே மாடுகளை கட்டி வைப்பது வழக்கம்.

நேற்று முன் தினம் (அக் 5) கட்டி வைத்த ஒரு பசுமாட்டை காணவில்லை என தெரியவந்தது. இதனிடையே, அருகே உள்ள ஒரு கடையில் சி.சி.டி.வி. கேமரா காட்சிகளை வைத்து பார்க்கும் போது நள்ளிரவில் வாகனத்தில் வந்து பசுமாட்டை நபர் ஒருவர் கடத்தி சென்றது தெரியவந்துள்ளது. அந்த நபர் மீது அம்பலூர் போலீஸார் வழக்குப் பதிவு செய்து விசாரித்து வருகின்றனர்.