துறையூர் பகுதியில் பலத்த மழை

திருச்சி மாவட்டம் துறையூர் பகுதியில் அரை மணி நேரம் பலத்த மழை வெளுத்து வாங்கியது.

திருச்சி மாவட்டம் துறையூர் பகுதியில் கடந்த 10 தினங்களுக்கு மேலாக வெயிலின் தாக்கம் அதிகமாக இருந்தது. இதனால் பொதுமக்கள் புழுக்கத்தில் வாடி வந்தனர் இந்நிலையில் நேற்று திங்கட்கிழமை ( செப்.23) இரவு ஏழு முப்பது மணி அளவில் திடீரென வானம் மேகமூட்டத்துடன் காணப்பட்டது. இதை அடுத்து பலத்த மழை பொழிய தொடங்கி, சுமார் அரை மணி நேரத்திற்கு மேலாக பலத்த மழை வெளுத்து வாங்கியது.

இதில் துறையூர் நகர் பகுதி கீரம்பூர் பெருமாள்மலை அடிவாரம் சிக்கத்தம்பூர் பாளையம் காளிப்பட்டி சொரத்தூர் வெங்கடேசபுரம் ஆகிய பகுதிகளில் பலத்த மழை பெய்தது. இதனால் துறையூர் பகுதியில் தற்போது குளிர்ச்சியான சூழ்நிலை நிலவி வருகிறது.