மணப்பாறை அருகே பைக் விபத்து இரண்டு வயது சிறுமி பலி
மணப்பாறை அருகே உள்ள கண்ணுடையான்பட்டியைச் சேர்ந்தவர் நல்லபாண்டியன் இவர் தனது மனைவி செல்சியா இரண்டு வயது மகள் பிரீமிகாவுடன் இருசக்கர வாகனத்தில் மணப்பாறை அருகே உள்ள சத்திரம் பகுதியில் சென்று கொண்டிருந்தார். அப்போது சாலையில் நாய் ஒன்று குறுக்கே வந்ததால் திடீரென அவர் பிரேக் பிடித்துள்ளார். இதில் நிலை தடுமாறி பைக் கீழே விழுந்ததில் மூவரும் பலத்த காயம் அடைந்தனர். இதில் குழந்தை பிரீமிகா மருத்துவமனைக்கு அழைத்துச் செல்லப்பட்டு சிகிச்சை பலனின்றி உயிர் இழந்தார். இச்சம்பவம் குறித்து மணப்பாறை காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்.
