முதலமைச்சர் கோப்பை - பதக்கம் வழங்கி பாராட்டிய அமைச்சர்

தமிழக முதலமைச்சர் கோப்பைக்கான தடகளம், கைப்பந்து, கால்பந்து, கிரிக்கெட் கபாடி கராத்தே உள்ளிட்ட பல்வேறு போட்டிகள் தமிழக முழுவதும் மாவட்ட அளவில் நடைபெற்றது. இதன் ஒரு பகுதியாக திருச்சியில்
பள்ளி, கல்லூரி மாணவ மாணவிகள் மற்றும்
அரசுத்துறை அலுவலர்களுக்கு
நடைபெற்ற மாவட்ட அளவிலான போட்டியில் வெற்றி பெற்ற வீரர் - வீரர்களுக்கான பரிசளிப்பு விழா இன்று திருச்சி மத்திய பேருந்து அருகில் உள்ள கலை அரங்கில் மாவட்ட ஆட்சியர் பிரதீப்குமார் தலைமையில் நடைபெற்றது.
இந்நிகழ்வில் நகராட்சி நிர்வாகத்துறை அமைச்சர் கே. என். நேரு கலந்துகொண்டு போட்டிகளில் வெற்றி பெற்ற வீரர் - வீராங்கனைகளுக்கு பதக்கம் மற்றும் சான்றிதழ் வழங்கி பாராட்டினார்.

இந்நிகழ்வில் மாநகராட்சி மேயர் அன்பழகன், மாநகராட்சி ஆணையர் சரவணன், சட்டமன்ற உறுப்பினர்கள் சௌந்தரபாண்டியன், ஸ்டாலின் குமார், பழனியாண்டி, கதிரவன், மாவட்ட வருவாய் அலுவலர் ராஜலட்சுமி, திருச்சி மண்டல முதுநிலை மேலாளர் செந்தில், மண்டல தலைவர்கள் மாமன்ற உறுப்பினர்கள் உள்ளாட்சி அமைப்புகளின் பிரதிநிதிகள் அரசு அலுவலர்கள் உள்ளிட்ட பலர் கலந்து கொண்டனர்.