தூத்துக்குடி: ஆவின் பாலகத்தில் பூட்டை உடைத்து திருட்டு
கோவில்பட்டியில் ஆவின் பாலகத்தில் பூட்டை உடைத்து பணத்தை திருடிய மர்ம நபர்களை போலீசார் தேடி வருகின்றனர். தூத்துக்குடி மாவட்டம் கோவில்பட்டி அருகே இலுப்பையூரணியை சேர்ந்தவர் ஜோசப் ரத்தினம் மகன் ஜெபசிங் கிளாரன்ஸ். கோவில்பட்டி-இளையரசனேந்தல் சாலையில் ஆவின் பாலகம் நடத்தி வருகிறார். நேற்று முன்தினம் (நவ.,4) மதியம் கடையை பூட்டிவிட்டு சென்ற இவர், நேற்று திறக்க வந்தபோது கடையின் பூட்டு உடைக்கப்பட்டு இருந்தது. கடையில் இருந்த ரொக்கம் ரூ. 4 ஆயிரம் திருட்டு போயிருப்பது தெரிய வந்ததாம். இதுகுறித்து அவர் அளித்த புகாரின் பேரில் மேற்கு காவல் நிலைய போலீசார் வழக்குப் பதிந்து, பணத்தைத் திருடிச் சென்ற நபர்களை தேடி வருகின்றனர்.
