பெரியாருக்கு மரியாதை செலுத்திய எம். எல். ஏ பூண்டி கலைவாணன்

பெரியார் சிலைக்கு மாலை அணிவித்து மரியாதை செலுத்தி சமூகநீதி உறுதி ஏற்றுக்கொண்ட திமுகவினர்.

மறைந்த தந்தை பெரியாரின் 146 வது பிறந்தநாள் விழா இன்று தமிழக முழுவதும் பல்வேறு அரசியல் கட்சியினர் தந்தை பெரியாரின் திரு உருவ சிலைக்கு மாலை அணிவித்து பட்டாசுகளை வெடித்தும் பொதுமக்களுக்கு இனிப்புகள் வழங்கியும் கொண்டாடி வருகின்றனர். அந்த வகையில் திருவாரூர் பழைய பேருந்து நிலையம் அருகே அமைந்துள்ள பெரியாரின் திரு உருவ சிலைக்கு திமுக மாவட்ட கழக செயலாளரும் திருவாரூர் சட்டமன்ற உறுப்பினருமான பூண்டி கலைவாணன் பெரியாரின் திரு உருவ சிலைக்கு மாலை அணிவித்து மரியாதை செலுத்தினார்.

அதனைத் தொடர்ந்து சமூக நீதி உறுதிமொழி ஏற்று கொண்டார் மேலும் அங்கு கூடியிருந்த பொதுமக்களுக்கும் திமுகவினருக்கும் திராவிட கழகத்தினருக்கும் இனிப்புகள் வழங்கினார். மேலும் அதனைத் தொடர்ந்து திருவாரூர் சட்டமன்ற அலுவலகத்தில் வைக்கப்பட்டிருந்த பெரியாரின் திரு உருவ படத்திற்கு மாலை அணிவித்து மலர் தூவி மரியாதை செலுத்தினார் இந்த நிகழ்வில் திருவாரூர் நகர செயலாளர் வாரை பிரகாஷ் நகர பொருளாளர் ரஜினி சின்னா உள்ளிட்ட கட்சியின் நிர்வாகிகள் உறுப்பினர்கள் என நூற்றுக்கும் மேற்பட்டோர் கலந்து கொண்டு பெரியாரின் பிறந்த நாளை கொண்டாடினர்.