ஸ்ரீ பத்ரகாளியம்மன் ஆலயத்தின் கொடை பொங்கல் விழா

செங்குன்றம் அடுத்த நல்லூர் ஊராட்சி ஆடந்தாங்கல் பகுதியில் அமைந்துள்ள ஸ்ரீ பத்ரகாளியம்மன் ஆலயத்தின் கொடை பொங்கல் விழா சிறப்பாக நடைபெற்றது

செங்குன்றம் அடுத்த ஆட்டந்தாங்கல் விஜய கார்டன் பகுதியில் அமைந்துள்ள அருள்மிகு ஸ்ரீ பத்ரகாளி அம்மன் ஆலயத்தில் மூன்றாம் ஆண்டு கொடை பொங்கல் திருவிழா முன்னிட்டு புனித திருக்குட நன்னீராட்டு விழா ஆலய தலைவர் முத்துராஜ் நாடார் செயலாளர் அகிலன் நாடார் பொருளாளர் தாளமுத்து நாடார் ஆகியோர் ஏற்பாட்டில் சிறப்பாக நடைபெற்றது.

இந்நிகழ்ச்சியில் செந்தமிழ் அகமத் திருமந்திரம் திருவிளக்கு பூஜை புனித வேள்வி வருடாபிஷேகம் புனித திருக்குடம் நன்னீராட்டு சிறப்பு அலங்காரம் செய்யப்பட்டு 108 மந்திரங்களுடன் அர்ச்சனை செய்யப்பட்டு மகா தீபாராதனை அம்மனுக்கு செய்யப்பட்டது.

இதில் சிறப்பு அழைப்பாளராக நாடார் பேரவை தலைவர் எர்ணாவூர் நாராயணன், கலந்து கொண்டு சாமி தரிசனம் பெற்று சென்றார். இதில் தொழிலதிபர் சங்கரலிங்கம் மற்றும் நாடார் குடும்பத்தினர்கள் சுற்று வட்டார பக்தர்கள் கிராம பொதுமக்கள் என திரளானோர் கலந்து கொண்டு ஸ்வாமி அருள் பெற்றே சென்றனர்.