தஞ்சை: தொழில் முனைவோர் புத்தாக்கம் ஓராண்டு சான்றிதழ் படிப்பு
தமிழ்நாடு தொழில்முனைவோர் மேம்பாடு மற்றும் புத்தாக்க நிறுவனம், அகமதாபாத் தொழில்முனைவோர் மேம்பாடு நிறுவனத்துடன் இணைந்து “தொழில் முனைவோர் மற்றும் புத்தாக்கம் “ என்ற தலைப்பில், ஓராண்டு சான்றிதழ் படிப்பைத் தொடங்கவுள்ளது. அகமதாபாத் நிறுவனம் பாடத்திட்டத்தை தீர்மானிக்கும். பாடத்தின் ஒரு பகுதி அவர்களின் பேராசிரியர்களால் நேரடியாக நடத்தப்படும். வகுப்புகள் வரும் அக்டோபர் 14, 2024 அன்று தொடங்கும். இதற்கான விண்ணப்பங்கள் வரவேற்கப்படுகின்றன நேர்காணல்கள் செப்டம்பர் 2024 கடைசி வாரத்தில் திட்டமிடப்பட்டுள்ளன. இந்த பாடத்திட்டத்திற்கு ஆண்டுக்கு ரூ. 80, 000 கட்டணமாக அரசு நிர்ணயித்துள்ளது. இதில் சேர தகுதி நிபந்தனைகள் வயது 21 முதல் 40 வயதுக்குட்பட்ட இளம் பட்டதாரிகள். இந்த பாடநெறி ஒரு தொழில்முனைவோர் சான்றிதழ் படிப்பாகும். வேலைவாய்ப்புக்கான படிப்பு அல்ல. எனவே ஒவ்வொரு மாவட்டத்திலும் தொழில் முனைவோராக மாற முயற்சிக்கும் ஆர்வலர்களுக்கு இது ஒரு வாய்ப்பாக இருக்கும். பயிற்சி முழுவதும் குளிரூட்டப்பட்ட வகுப்பறைகளில் மிக உயர்ந்த தரத்திற்கு நடத்தப்படுகிறது. மேலும் விவரங்களுக்கு தஞ்சாவூர் மாவட்ட ஒருங்கிணைப்பாளர் அமர்நாத் என்பவரை 8668107552 மற்றும் 8668101638 என்ற எண்களில் தொடர்பு கொள்ளுமாறு மாவட்ட ஆட்சித்தலைவர் பா. பிரியங்கா பங்கஜம் தெரிவித்துள்ளார்.
