பாபநாசம் அருகே பைக்கில் வைத்திருந்த ரூ. 37 ஆயிரம் திருட்டு
தஞ்சாவூர் மாவட்டம், பாபநாசம் அருகே மோட்டார் சைக்கிளின் பின்புறம் உள்ள பெட்டியில் வைத்திருந்த ரூ. 37, 500 ரொக்கப் பணத்தை திருடிச் சென்ற மர்ம நபரைப் போலீஸார் தேடி வருகின்றனர். பாபநாசம் அருகே கபிஸ்தலம் காவல் சரகம் சீதாலட்சுமிபுரத்தைச் சேர்ந்த கோவிந்தசாமி மகன் சேகர் (63). எல்ஐசி முகவர். இவர், புதன்கிழமை மதியம் தனது இருசக்கர வாகனத்தை வீட்டுக்கு எதிரே நிறுத்தியிருந்தார். சிறிதுநேரம் கழித்து திரும்பி வந்து பார்த்தபோது இரு சக்கர வாகனத்தின் பெட்டியில் வைத்திருந்த ரூ. 37, 500 ரொக்கப் பணத்தை மர்ம நபர் திருடிச்சென்றது தெரியவந்தது. புகாரின்பேரில் போலீஸார் வழக்குபதிந்து விசாரணை மேற் கொண்டுள்ளார்.
