காரைக்குடியில் ஓணம் பண்டிகை கொண்டாட்டம்.

சிவகங்கை மாவட்டம் காரைக்குடி அழகப்பா பல்கலைக்கழகம் மற்றும் தனியார் பெண்கள் கல்லூரியும் இணைந்து நடத்திய ஓணம் பண்டிகை மிகுந்த குதூகலத்துடன் கொண்டாடப்பட்டது. முன்னதாக, அழகப்பா பல்கலைக்கழகத்தின் நுழைவு வாயிலில் இருந்து உமையாள் ராமநாதன் பெண்கள் கல்லூரி வரை சுமார் 500-க்கும் மேற்பட்ட மாணவிகள் கேரளா பாரம்பரிய ஆடை அணிந்து பங்கேற்ற பேரணி நடைபெற்றது. பின்பு அழகப்பா பல்கலைக்கழக வளாகத்தில் கல்லூரி மாணவிகள் நடத்திய நடன, நாட்டிய கலை நிகழ்ச்சிகளை ஏராளமான பார்வையாளர்கள் கண்டு ரசித்தனர்.