தேசிய துப்பாக்கி சுடும் போட்டியில் சேலம் மாணவர்கள் சாதனை

தேசிய அளவிலான துப்பாக்கி சுடும் போட்டி விருதுநகரில் நடந்தது. இதில் சேலம் அட்வென்சர் சூட்டிங் அகாடமி சார்பில் மாணவர்கள் கலந்து கொண்டனர். இதில் 14 வயதுக்கு உட்பட்ட பிரிவில் டி. தனஞ்செயன் முதல் பரிசு பெற்று தங்கப்பதக்கம் பெற்றார். எஸ். ஜெய்சூர்யா 2-வது பரிசு பெற்று வெள்ளிபதக்கம் பெற்றார். 10 வயதுக்கு உட்பட்ட பிரிவில் டி. வி. தர்ஷன் சரத் 3-வது பரிசு பெற்று வெண்கல பதக்கம் பெற்றனர். இந்த சாதனை மாணவர்களை தமிழ்நாடு ஏர்கன் அசோசியேஷன் செயலாளர் கேசவன், பொருளாளர் நந்தகுமார், சேலம் மாவட்ட துப்பாக்கி சுடுதல் பயிற்சியாளர் சிபு தாமு மற்றும் பெற்றோர்கள், ஆசிரியர்கள் உள்பட பலர் பாராட்டினர்.