சேலம்: கர்நாடகாவில் இருந்து ஆம்புலன்சில் கடத்திய குட்கா பறிமுதல்
சேலம் மாவட்டம் கொளத்தூர் அடுத்த காரைக்காடு சோதனைச் சாவடியில் போலீசார் வாகன சோதனை நடத்தி இருந்தனர். அப்போது கர்நாடக மாநிலத்தில் இருந்து கொளத்தூர் நோக்கி வந்த ஆம்புலன்சை நிறுத்தி போலீசார் சோதனை செய்தனர். அதில் குட்கா கடத்தி வந்தது தெரிய வந்தது. இதுகுறித்து டிரைவரிடம் விசாரணை நடத்தினர். அப்போது அவர் தெலுங்கானாவை சேர்ந்த சக்திவேல் (வயது 27) என்பதும், கர்நாடகாவில் இருந்து குட்கா கடத்தி வந்ததும் தெரியவந்தது. இதையடுத்து அவரை போலீசார் கைது செய்தனர். மேலும் குட்கா மற்றும் ஆம்புலன்சை போலீசார் பறிமுதல் செய்தனர்.
