திருமயம்: பைக்கில் இருந்து தவறி விழுந்தவர் பலி

திருமயம் அருகே உள்ள மேலுாரை சேர்ந்தவர் பூபதி (56), விவசாயி. இவரது உறவினர் சின்னையா(45). இவர்கள் இருவரும் பைக்கில் வாரியப்பட்டி சென்றுவிட்டு மீண்டும் திருமயம் திரும்பினர். ஆண்டிக்கண்மாய் அருகே வந்தபோது பள்ளத்தில் பைக் இறங்கி ஏறியபோது எதிர்பாராதவிதமாக நிலைதடுமாறி சரிந்தது. இதில் இருவரும் தடுமாறி கீழே விழுந்ததில், தலையில் பலத்த காயமடைந்த சின்னையா திருமயம் அரசு மருத்துவமனைக்குக் கொண்டு செல்லும் வழியில் உயிரிழந்தார். இதுகுறித்து திருமயம் போலீசார் வழக்குப்பதிந்து விசாரணை நடத்தி வருகின்றனர்.