கை விரல் எலும்பு முறிவுடன் விளையாடி வெள்ளி வென்ற நீரஜ்

இந்திய ஈட்டி எறிதல் வீரர் நீரஜ் சோப்ரா கை விரல் எலும்பு முறிவுடன் விளையாடி வெள்ளிப் பதக்கம் வென்றுள்ள தகவல் தற்போது வெளியாகி உள்ளது. இதுகுறித்து அவர் தனது எஸ்க் தள பக்கத்தில், "டைமண்ட் லீக் தொடருக்காக பயிற்சியில் ஈடுபட்டிருந்தபோது இடது கை விரல் எலும்பு முறிந்துவிட்டது. எப்படியாவது தொடரில் விளையாடிவிட வேண்டும் என்ற மன உறுதியுடன் இருந்தேன். வலி மிகுந்த சவாலாக இருந்தது. அணியினரின் உதவியுடன் தொடரில் பங்கேற்க முடிந்தது" என்று பதிவிட்டுள்ளார்.