'மக்களைத் தேடி மருத்துவம்' - ஐநா விருது அறிவிப்பு

"மக்களைத் தேடி மருத்துவம்" திட்டத்திற்கு ஐநா விருது அறிவிக்கப்பட்டுள்ளது. இதுகுறித்து முதலமைச்சர் மு.க.ஸ்டாலின் தனது X தள பக்கத்தில், இந்தியத் துணைக் கண்டத்துக்கே முன்னோடித் திட்டமாக நமது திராவிட மாடல் அரசில் செயல்படுத்தப்பட்டுள்ள மக்களைத் தேடி மருத்துவம் திட்டத்திற்கு உலக அங்கீகாரம் தேடி வந்திருக்கிறது. இந்தத் திட்டம் இன்னும் சிறப்பாகச் செயல்படுத்தப்பட்டு மக்களுக்குப் பயனளிப்பதைத் தொடர்ந்து உறுதிசெய்வோம்" என்று பதிவிட்டுள்ளார்.