உசிலம்பட்டி: நூதனமாக டூவீலர் திருட்டு

மதுரை மாவட்டம் உசிலம்பட்டி அருகே உள்ள சமத்துவபுரம் ரிப்போர்ட்டர்ஸ் காலனி மேற்கு தெருவில் வசிக்கும் கிரேசி குமார் (23) என்பவர் தனது இருசக்கர வாகனத்தை விற்பனை செய்வதாக OLXல் பதிவிட்டிருந்தார். இதனை கண்ட மர்மநபர் செல்போன் மூலம் தொடர்பு கொண்டு உசிலம்பட்டி சமத்துவபுரத்திற்கு கடந்த மாதம் 22 ஆம் தேதி வந்து இரு சக்கர வாகனத்தை ஒட்டி பார்ப்பதாக கூறி வாங்கி சென்றவர் மீண்டும் திரும்பி வரவில்லை.

மர்ம நபர் தொடர்பு கொண்டு பேசிய செல்போன் எண்ணை தொடர்பு கொள்ளவும் முடியவில்லை. எனவே இதுகுறித்து உசிலம்பட்டி நகர் காவல் நிலையத்தில் நேற்று புகார் அளித்தார். போலீசார் வழக்கு பதிவு செய்து இருசக்கர வாகனத்தை திருடி சென்றவரை போலீசார் தீவிரமாக தேடி வருகின்றனர்.