லாரி மீது டூவீலர் மோதியதில் வாலிபர் பலி

மதுரை மாவட்டம் உசிலம்பட்டி விநாயகர் கோவில் தெரு பி. சி. ஆர். காம்பவுண்டை சேர்ந்தவர் ஜெகதீசன். இவரது மகன் விக்னேஷ் (வயது 43). இவர் சம்பவத்தன்று இருசக்கர வாகனத்தில் உசிலம்பட்டி- பேரையூர் சாலையில் செல்லும் போது நிலை தடுமாறி எதிரே வந்த லாரி மீது மோதியதில் பலத்த காயம் அடைந்து சம்பவ இடத்திலேயே பலியானார்.

இதுகுறித்து உசிலம்பட்டி போலீசார் விக்னேஷ் உடலை கைப்பற்றி பிரேத பரிசோதனைக்காக அரசு மருத்துவ மனைக்கு அனுப்பி வைத்து விசாரணை நடத்தி வருகின்றனர்.