மதுரை: உசிலம்பட்டியில் இளம் பெண் மாயம்

மதுரை மாவட்டம் உசிலம்பட்டியில் இளம்பெண் மாயம் என்று புகார் அளிக்கப்பட்டுள்ளது. மதுரை மாவட்டம் சிலம்பட்டி கருகாட்டன் பட்டியை சேர்ந்த செல்ல பாண்டியின் 17 வயது மகள் டிப்ளமோ நர்சிங் படிப்பு முடித்து விட்டு வீட்டில் இருக்கிறார். இவர் நேற்று முன்தினம்(செப்.8) பெற்றோர்கள் கோயிலுக்கு சென்றிருந்த சமயத்தில் வீட்டை விட்டு வெளியே சென்றவர் மீண்டும் வீடு திரும்பவில்லை என கூறப்படுகிறது.

பல இடங்களில் தேடியும் மகள் கிடைக்கவில்லை என்பதால் நேற்று(செப்.9) உசிலம்பட்டி நகர் காவல் நிலையத்தில் செல்லப்பாண்டி புகார் அளித்துள்ளார். இது தொடர்பாக போலீசார் வழக்கு பதிவு செய்து காணாமல் போன இளம் பெண்ணை தீவிரமாக தேடி வருகின்றார்கள்.