போக்சோ வழக்குகளால் திணறும் கேரளம்

கடந்த ஆண்டில், குழந்தைகளுக்கு எதிரான பாலியல் வன்கொடுமை வழக்குகள் கேரள மாநிலத்தில் சுமார் 4,641 வழக்குகள் பதிவாகியுள்ளன. குறிப்பாக முந்தைய எட்டு ஆண்டுகளில் கடந்த ஆண்டைப் போல அதிக போக்சோ வழக்குகள் இதுவரை பதிவாகவில்லை. திருவனந்தபுரம் மாவட்டத்தில் மட்டும் 601 போக்சோ வழக்குகள் பதிவாகியுள்ளன. மாநிலத்தின் அனைத்து மாவட்டங்களிலும் போக்சோ வழக்குகளின் எண்ணிக்கை அதிகரித்து வருவதாக காவல்துறை கூறுகிறது. 2022-இல் 4,518 வழக்குகளுடன் ஒப்பிடும்போது, ​​2023-இல் 4,641 வழக்குகளாக அதிகரித்துள்ளது. அதே வேளையில், குறைந்த தண்டனை விகிதம் குறித்து விமர்சனங்கள் பரவலாக உள்ளன. 2023-ஆம் ஆண்டில், பத்தனம்திட்டாவில் மிகக் குறைவான வழக்குகள் பதிவு செய்யப்பட்டுள்ளன.