கரூர்: முதியவரை அரிவாளால் தாக்கிய 2 பேர் மீது வழக்கு
கரூர் மாவட்டம் குளித்தலை அருகே நாப்பாளையம் பகுதியைச் சேர்ந்தவர் லோகநாதன் (60). இவரின் ஆடு காணாமல் போனது பற்றி தனது வீட்டின் அருகே பேசிக் கொண்டிருந்தார். அப்போது அதே பகுதியைச் சேர்ந்த கிஷோர் (22), சதீஷ் (31) ஆகிய இருவரும் தங்களைத் தான் கூறுகிறார் என லோகநாதனைத் திட்டி அரிவாளால் லோகநாதனின் தலையில் வெட்டி காயம் ஏற்படுத்தியுள்ளனர். குளித்தலை அரசு மருத்துவமனையில் லோகநாதன் சிகிச்சை பெற்று வருகிறார். குளித்தலை போலீசார் நேற்று (நவம்பர் 14) வழக்குப் பதிந்து விசாரணை நடத்துகின்றனர்.
