பாசன வடிகால் வாய்க்காலில் அழுகிய நிலையில் ஆண் சடலம் மீட்பு

கரூர் மாவட்டம் குளித்தலை - மணப்பாறை நெடுஞ்சாலையில் கோட்டமேடு விஐபி கார்டனில் குடியிருப்பு வழியாக பாசன வடிகால் கண்ணாற்றில் அழுகிய நிலையில் ஆண் சடலம் கிடந்துள்ளது. அவ்வழியாக வந்தவர்களுக்கு துர்நாற்றம் வீசவே பார்த்தபோது அடையாளம் தெரியாத ஆண் ஒருவர் இறந்து கிடந்துள்ளார்.

இது குறித்து குளித்தலை போலீசாருக்கு தகவல் தெரிவிக்கப்பட்டது. அங்கு வந்து போலீசார் முசிறி தீயணைப்பு துறை வீரர்கள் உதவியுடன் அழுகிய நிலையில் இறந்தவரின் உடலை மீட்டு பிரேத பரிசோதனைக்காக குளித்தலை அரசு மாவட்ட தலைமை மருத்துவமனைக்கு அனுப்பி வைத்தனர்.

மேலும் இறந்தவரின் விபரங்கள் குறித்து குளித்தலை போலீசார் விசாரணை மேற்கொண்டு வருகின்றனர்.

அழுகிய நிலையில் அடையாளம் தெரியாத ஆண் சுடலம் மீட்டெடுக்கப்பட்ட சம்பவம் அப்பகுதியில் பெரும் பரபரப்பை ஏற்படுத்தி உள்ளது.