ராஜலிங்கபுரம்: நடந்து சென்றவர் மீது டூவீலர் மோதி விபத்து

கரூர் மாவட்டம், கடவூர் தாலுகா, மஞ்சநாயக்கன்பட்டி அருகே உள்ள ராசன்கோவிலூர் பகுதியைச் சேர்ந்தவர் ராமலிங்கம் வயது 70. இவர் மார்ச் 15ஆம் தேதி இரவு 7 மணி அளவில் தரகம்பட்டி-கரூர் சாலையில் ராஜலிங்கபுரம் அருகே நடந்து சென்று கொண்டிருந்தார். அப்போது, அவ்வழியாக வந்த கரூர், தாந்தோணிமலை பகுதியைச் சேர்ந்த சுகுமாரன் வயது 41 என்பவர், வேகமாக ஓட்டி வந்த டூவீலர், நடந்து சென்ற ராமலிங்கம் மீது மோதி விபத்து ஏற்பட்டது. 

இந்த விபத்தில் பலத்த காயம் அடைந்த அவரை உடனடியாக தனியார் ஆம்புலன்ஸ் மூலம் திருச்சி அரசு மருத்துவமனையில் சிகிச்சைக்காக அனுமதித்தனர். இச்சம்பவம் அறிந்த இராமலிங்கத்தின் மகன் ராஜமாணிக்கம் வயது 35 என்பவர் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய சுகுமாரன் மீது வழக்கு பதிவு செய்துள்ளனர் மாயனூர் காவல்துறையினர்.