மதுராந்தகத்தில் தீபாவளி கொண்டாடுவது குறித்து விழிப்புணர்வு

மதுராந்தகம் அனைத்து வணிகர்கள் நல சங்கம் சார்பில் பள்ளி மாணவர்கள் பாதுகாப்பாக தீபாவளி திருநாளை கொண்டாடுவது குறித்து விழிப்புணர்வு ஒத்திகை நிகழ்ச்சி.

செங்கல்பட்டு மாவட்டம் மதுராந்தகம் இந்து மேல்நிலைப்பள்ளியில் தமிழ்நாடு தீயணைப்பு மற்றும் மீட்பு பணிகள் துறை மதுராந்தகம் அனைத்து வணிகர்கள் நல சங்கம் சார்பில் பள்ளி மாணவர்கள் பாதுகாப்பாக தீபாவளி திருநாளை கொண்டாடுவது குறித்து விழிப்புணர்வு ஒத்திகை நிகழ்ச்சி பள்ளி வளாகத்தில் நடைபெற்றது. இதில் மதுராந்தகம் தீயணைப்பு துறை நிலை அலுவலர் சீனிவாசன் அவர்கள் கலந்துகொண்டார். பள்ளி மாணவர்களிடம் விபத்தில்லா தீபாவளி கொண்டாடுவது குறித்து செயல்முறை விளக்கம் அளிக்கப்பட்டு பட்டாசால் ஏற்படும் விளைவுகளை குறித்து மாணவர்களிடம் எடுத்துக் கூறி பின்னர் விபத்தில்லா தீபாவளி குறித்த துண்டு பிரசுரங்கள் வழங்கப்பட்டது. இந்த நிகழ்ச்சியில் வணிகர் சங்கத் தலைவர் பிரபாகரன் உள்ளிட்ட ஆசிரியர்கள் மாணவர்கள் பலர் கலந்து கொண்டனர்.