மாமல்லபுரத்தில் மாபெரும் கண் பரிசோதனை முகாம்
செங்கல்பட்டு மாவட்டம் மாமல்லபுரம் தனியார் திருமண மண்டபத்தில் விராட் விஸ்வகர்மா சேவாலாயா மாமல்லபுரம் விஸ்வகர்மா ஜன நல சங்கம் சார்பில் இலவச கண் பரிசோதனை முகாம் நடைபெற்றது. சிறப்பு அழைப்பாளராக விராட் விஸ்வகர்மா சேவாலயா நிறுவனரும், ஜோதிட முனைவருமான கே பி வித்யாதரன் மற்றும் இந்து சமய அறநிலையத் துறையின் வல்லுனர் குழு தலைவர் ஸ்தபதி தட்சிணாமூர்த்தி ஆகியோர் கலந்து கொண்டு முகாமை துவக்கி வைத்தனர். முகாமில் கண்விழித்திரை பரிசோதனை, கண் அழுத்த நோய் கண்டறிதல், கண்புரை , தூரப்பார்வை கிட்டப் பார்வை உள்ளிட்ட கண் சம்பந்தப்பட்ட நோய்கள் அதி நவீன கருவிகள் கொண்டு பரிசோதனை மூலம் கண்டறியப்பட்டு ஆலோசனைகளும், சிகிச்சையும் அளிக்கப்பட்டன. மேலும் கண் பரிசோதனையில் மூக்கு கண்ணாடி தேவைபடுபவர்களுக்கு இலவசமாக மூக்கு கண்ணாடியும் வழங்கப்பட்டது. தொடர்ந்து செய்தியாளர்களை சந்தித்த நிறுவனர் வித்யாதரன் ஏழை எளிய பாமர மக்களுக்கும் கண் பரிசோதனை மேற்கொள்ள வேண்டும் என்ற நோக்கில் இந்த முகாமை ஒருங்கிணைத்ததாகவும், தரமான மருத்துவமனையுடன் இணைந்து இந்த முகாமை துவக்கி வைப்பதில் மகிழ்ச்சி அடைவதாகவும், இன்னும் பல்வேறு சேவைகளை மக்களுக்காக செய்ய அமைப்பு தயாராக உள்ளதாகவும் கூறினார்.
