திருக்கழுக்குன்றத்தில் வீட்டின் பூட்டை உடைத்து திருட்டு

திருக்கழுக்குன்றம் அருகே வீட்டில் தனியாக இருந்த பெண் மீது மயக்க ஸ்பிரே அடித்து 4 சவரண் தங்க நகை மற்றும் 400 கிராம் வெள்ளி நகைகள் கொள்ளை, குடு குடுப்புகாரன் போல் மாறுவேடத்தில் வந்து கைவரிசை காட்டிய மர்ம நபருக்கு திருக்கழுக்குன்றம் போலீசார் வலைவீச்சு.

செங்கல்பட்டு மாவட்டம் திருக்கழுக்குன்றம் அடுத்த பாண்டூர் ஆதிதிராவிடர் பகுதியை சேர்ந்தவர் செல்வம், இவர் திருப்போரூர் அடுத்த ஆலத்தூரில் ஒரு தனியார் கம்பெனியில் வேலை பார்த்து வருகிறார். இந்நிலையில் செல்வம் மற்றும் இவரது மனைவி சாந்தி ஆகியோர் வெளியில் சென்றிருந்த போது இவரது மகள் மங்கையர்கரசி கைக்குழந்தையுடன் வீட்டில் தனியாக இருந்த போது திடீரென வீட்டிற்குள் நுழைந்த குடுகுடுப்புக்காரன் போன்று வேடமணிந்த மர்ம நபர் மங்கையர்க்கரசியின் முகத்தில் ஸ்பிரே போன்று ஏதோ ஒரு ரசாயணம் அடித்ததில் மங்கையர்க்கரசி மயங்கி விழுந்துள்ளார். அதன் பிறகு அந்த மர்ம நபர் வீட்டினுள் இருந்த பீரோவை உடைத்து அதிலிருந்த 4 சவரன் தங்க நகை மற்றும் 400 கிராம் வெள்ளி பொருட்கள் ஆகியவைகளை கொள்ளையடித்து சென்றதாக கூறப்படுகிறது. இது குறித்த புகாரின் பேரில் திருக்கழுக்குன்றம் போலீசார் வழக்கு பதிவு செய்து மாறுவேடத்தில் வந்த மர்ம நபரை தேடி வருகின்றனர். மேலும் கைரேகை நிபுணர்கள் வரவழைக்கப்பட்டு கைரேகைகளை பதிவு செய்தனர்.