அறுவை சிகிச்சை பிரசவங்களின் எண்ணிக்கை அதிகரிப்பு

சென்னை ஐஐடி நடத்திய ஆய்வில் இந்தியாவில் அறுவை சிகிச்சை மகப்பேறுகளின் எண்ணிக்கை அதிகரித்திருப்பது தெரியவந்துள்ளது. இந்த ஆய்வு முடிவுகள் குறித்து வெளியிடப்பட்டுள்ள அறிக்கையில், “இந்தியாவில் அறுவை சிகிச்சை முறையிலான பிரசவங்களின் எண்ணிக்கை அதிகரித்துள்ளது. கடந்த 5 ஆண்டுகளில் நாடு முழுவதும் அறுவை சிகிச்சைப் பிரசவங்களின் எண்ணிக்கை 17.2% இருந்து 21.5% ஆக அதிகரித்துள்ளது. நகர்ப்புறத்தில் வசிக்கும் பெண்களுக்கும், அதிக அளவில் எடைகொண்ட பெண்களுக்கும் அறுவை சிகிச்சை செய்யப்படுகிறது” என ஆய்வில் வெளியாகியுள்ளது.