தமிழ்நாட்டில் 14 மாவட்டங்களுக்கு கனமழை எச்சரிக்கை

தமிழ்நாட்டில் சமீப நாட்களாக பல்வேறு மாவட்டங்களில் கனமழை பெய்து வருகிறது. அந்த வகையில் இன்று (மே 16) இரவு 7 மணி வரை 14 மாவட்டங்களில் இடி, மின்னலுடன் கூடிய கனமழை பெய்யக் கூடும் என சென்னை வானிலை ஆய்வு மையம் தெரிவித்துள்ளது. அதன்படி சென்னை, சேலம், செங்கல்பட்டு, தேனி, திருப்பத்தூர், வேலூர், திருவள்ளூர், காஞ்சிபுரம், ராணிப்பேட்டை, விழுப்புரம், திருவண்ணாமலை, கடலூர், கள்ளக்குறிச்சி, தென்காசி ஆகிய மாவட்டங்களில் மழை பெய்ய உள்ளது.