பெருந்துறை: மிக்சர் குடோனில் தீ ரூ. 1 லட்சத்துக்கு சேதம்

பெருந்துறை, பவானி ரோடு, பாண்டியன் வீதியில் அகஸ்தின் என்பவருக்கு சொந்தமான, மிக்சர் (திண் பண்டம்] குடோன் உள்ளது. நேற்று அதிகாலை குடோனுக்குள் தீப்பிடித்து எரிந்தது. அக்கம்பக்கத்தினர் தகவலின்படி சென்ற பெருந்துறை தீயணைப்பு நிலைய வீரர்கள் தீயை அணைத்தனர்.

 பெருந்துறை போலீசார் விசாரணையில், இரவில் பணி முடிந்து சென்ற தொழிலாளர்கள், அடுப்பை சரியாக அணைக்காமல் சென்றதால் விபத்து நேர்ந்தது தெரிய வந்தது. தீயில் ஒரு லட்சம் ரூபாய் மதிப்பிலான இயந்திரம், பொருட்கள் சேதமடைந்து விட்டதாக தெரிவித்தனர்.