ஈரோடு: வீட்டில் கைவரிசை.. 17 வயது சிறுவன் உள்பட 2 பேர் கைது
ஈரோடு லட்சுமி கார்டன் பகுதியில் சம்பவத்தன்று வீட்டின் பூட்டை உடைத்து மூன்று பவுன் நகை, ரூ. 1 லட்சம் ரொக்க பணத்தை மர்ம நபர்கள் திருடி சென்றுள்ளனர். இது குறித்த புகாரின் பேரில் ஈரோடு தாலுகா போலீசார் வழக்குப்பதிவு செய்து குற்றவாளிகளை தேடி வந்தனர். இந்நிலையில் அந்த பகுதியில் பொருத்தப்பட்டிருந்த சி. சி. டி. வி கேமரா காட்சியில் திருடிய நபர்கள் உருவம் பதிவாகி இருந்தது. அதை அடிப்படையாக வைத்து போலீசார் விசாரணை தீவிர படுத்தினார். இந்நிலையில் இந்த திருட்டில் ஈடுபட்டதாக சித்தோடு, ராயர்பாளையம் புதூர் பகுதியை சேர்ந்த தமிழரசு (24), மற்றும் அவருடன் திருட்டில் ஈடுபட்ட 17 வயது சிறுவன் என இருவர் கைது செய்யப்பட்டனர். அவர்களிடமிருந்து நகைகள் மீட்கப்பட்டுள்ளன.
