கீழ்பவானி வாய்க்காலில் முதியவர் சடலம்
பெருந்துறை, வாய்க்கால்மேடு கீழ்பவானி வாய்க்காலில் ஆண் சடலம் மிதப்பதாக வேப்பம்பாளையம் விஏஓ அப்துல் ரஹ்மானுக்கு (34) தகவல் கிடைத்தது. சம்பவ இடத்துக்கு சென்று பார்த்தபோது சுமார் 70 வயது மதிக்கத்தக்க முதியவரின் சடலம் கரை ஒதுங்கி இருந்ததை கண்ட விஏஓ அப்துல் ரகுமான் பெருந்துறை போலீசாருக்கு தகவல் தெரிவித்தார். சம்பவ இடத்துக்கு வந்த போலீசார் சடலத்தை கைப்பற்றி பிரேத பரிசோதனைக்காக பெருந்துறை அரசு மருத்துவக் கல்லூரி மருத்துவமனைக்கு அனுப்பி வைத்தனர். உயிரிழந்த முதியவர் வெள்ளை ப்ளூ கலர் கட்டம் போட்ட லுங்கியும், பாசி கலர் கை வைத்த பனியனும் அணித்திருந்தார். அவர் யார்? எந்த ஊரை சேர்ந்தவர்? என்பது தெரியவில்லை. இதுகுறித்து பெருந்துறை போலீசார் வழக்குபதிவு செய்து விசாரித்து வருகின்றனர்.
