எஸ்விஎன் மெட்ரிக் மேல்நிலைப்பள்ளி 100 சதவீதம் தேர்ச்சி
ஈரோடு அடுத்த கொங்கம்பாளையத்தில் உள்ள எஸ்விஎன் மெட்ரிக் மேல்நிலைப்பள்ளியில் பிளஸ் 2 பொதுத்தேர்வு எழுதிய 245 மாணவ-மாணவிகளும் 100 சதவீதம் தேர்ச்சி பெற்று சாதனை படைத்துள்ளனர். பள்ளி அளவில் ஜி. மோனிகா என்ற மாணவி 581 மதிப்பெண்கள் பெற்று முதலிடமும், சி. பி. தர்ஷணா என்ற மாணவி 580 மதிப்பெண்கள் பெற்று இரண்டாமிடமும், பி. குருபிரசாத் என்ற மாணவன் 578 மதிப்பெண் பெற்று மூன்றாம் இடமும் பிடித்தனர். முதல் மூன்று இடங்களை பிடித்த மாணவ-மாணவிகளுக்கு பள்ளியின் தலைவர், தாளாளர், செயலாளர், இணை செயலாளர், பொருளாளர், முதல்வர் மற்றும் ஆசிரிய இயக்குநர்கள் பரிசு வழங்கி பாராட்டினர்.
