பென்னாகரம் அருகே தீப்பற்றி எரிந்த லாரி

தர்மபுரி மாவட்டம் பென்னாகரம் சட்டமன்றத் தொகுதிக்கு உட்பட்ட ஏரியூர் ஊராட்சி ஒன்றியம் தொன்ன குட்டஅள்ளி கிராமம் சிடுவம்பட்டி அடுத்த சாம்பள்ளி என்ற இடத்தில் நேற்று செப்டம்பர் 19 மாலை வைக்கோல் ஏற்றி வந்த லாரி மின்கம்பி உரசியதில் தீப்பிடித்து எரிந்து முற்றிலும் சேதம் அடைந்தது. லாரி தீப்பிடிக்க தொடங்கியதை அடுத்து சுதாரித்த ஓட்டுனர் உடனடியாக கீழே இறங்கி தப்பினார். இதனால் இந்த விபத்தில் எந்தவித உயிர் சேதமும் இன்றி அனைவரும் தப்பினர். இதனால் இப்பகுதியில் பெரும் பரபரப்பு ஏற்பட்டது மேலும் இது குறித்து தகவல் அறிந்து வந்த ஏரியூர் காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.