கம்மாபுரம்: மணல் கடத்திய 2 பேர் கைது
கடலூர் மாவட்டம் கம்மாபுரம் சப் இன்ஸ்பெக்டர் மாணிக்கராஜா தலைமையிலான காவல் துறையினர் நேற்று முன்தினம்(அக்.19) ரோந்து பணியில் ஈடுபட்டுக் கொண்டிருந்தனர். அப்போது கோ. ஆதனூரில் மொபட்டுகளில் வந்த இருவரை பிடித்து விசாரித்தனர். அதில் அவர்கள் அதே பகுதியை சேர்ந்த ராஜா, ராஜகுரு என்பதும் மொபட்டுகளில் 6 மூட்டைகளில் மணல் கடத்தி வந்ததும் தெரிந்தது. இது குறித்து கம்மாபுரம் காவல் துறையினர் வழக்குப் பதிவு செய்து இருவரையும் கைது செய்து மொபட் மற்றும் மணல் மூட்டைகளை பறிமுதல் செய்தனர்.
