கடலூர்: பல்வேறு இடங்களில் பரவலாக கனமழை

கடலூர் மாவட்டத்தில் உள்ள கடலூர், பண்ருட்டி, சிதம்பரம், விருத்தாசலம், சிதம்பரம், குறிஞ்சிப்பாடி, நெய்வேலி உள்ளிட்ட பல்வேறு இடங்களில் இன்று (அக்.,14) காலை முதல் தொடர்ந்து பரவலாக மழை பெய்து வருகிறது. இதனால் அப்பகுதியில் வெப்பம் தணிந்து குளிர்ச்சியான சூழ்நிலை நிலவி வருவதால் அப்பகுதியில் உள்ள பொதுமக்கள் மற்றும் விவசாயிகள் மகிழ்ச்சி அடைந்துள்ளனர். மழையினால் பல்வேறு இடங்களில் மழைநீர் தேங்கி நிற்கும் சூழ்நிலை உருவாகியுள்ளது.