மாற்றுத்திறனாளி மாணவர்களுக்கு சிறப்பு பள்ளி!!

கோவை மாவட்டம் அன்னூர் அருகே உள்ள சொக்கம்பாளையத்தில் மாற்றுத்திறனாளி மாணவர்களுக்கான சிறப்பு பள்ளி துவக்கப்பட்டுள்ளது. நித்திலியம் என்ற தனியார் அமைப்பு மூலம் இந்த பள்ளி அமைக்கப்பட்டுள்ளது. ஆட்டிசம், பார்வை குறைபாடு மற்றும் கற்றல் குறைபாடு உள்ள மாணவர்களுக்காக உருவாக்கப்பட்டுள்ள இந்த பள்ளி, ஒரு ஏக்கர் பரப்பளவில் அமைக்கப்பட்டுள்ளது.

மாணவர்களின் கல்வியறிவை மேம்படுத்தும் வகையில் இந்த பள்ளி வடிவமைக்கப்பட்டுள்ளது. கோவை மாவட்ட ஆட்சியர் கிராந்தி குமார் பாடி இந்த பள்ளியை பயன்பாட்டிற்காக திறந்து வைத்தார். இந்த நிகழ்ச்சியில் அறங்காவலர்கள் மற்றும் மாற்றுத்திறனாளி மாணவர்கள் பங்கேற்றனர். இந்த சிறப்பு பள்ளி துவக்கம், மாற்றுத்திறனாளி மாணவர்களின் கல்வி வாய்ப்புகளை மேம்படுத்தும் என எதிர்பார்க்கப்படுகிறது.