தடாகம்: புகை போக்கி கோபுரம் இடிப்பு!

கோவை மாவட்டம் தடாகம் பள்ளத் தாக்கில் 200க்கும் மேற்பட்ட செங்கல் சூளைகள் இருந்தன. இவை சுற்றுச்சூழல், மாசுக்கட்டுப்பாட்டு வாரியத்திடம் முறையான அனுமதி பெறாமலும், அளவுக்கு அதிகமாக செம்மண் எடுத்து இயங்கி வந்தன. சமூக ஆர்வலர்கள் தொடுத்த வழக்கின் அடிப்படையில், சென்னை உயர்நீதிமன்றம் செங்கல் சூளைகளின் மின் இணைப்பை துண்டித்து, மூடி சீல் வைக்க உத்தரவிட்டது. இதன் காரணமாக கடந்த நான்காண்டுகளுக்கு மேலாக செங்கல் சூளைகள் இயங்காமல் இருக்கின்றன. சில மாதங்களுக்கு முன்பு, ஒரு செங்கல் சூளையின் புகை போக்கி கோபுரம் கோவை மன்னார்காடு நெடுஞ்சாலையில் விழுந்து போக்குவரத்து பாதிக்கப்பட்டது. மேலும் இந்த நெடுஞ்சாலையில் 60க்கும் மேற்பட்ட கோபுரங்கள் மிகவும் ஆபத்தான நிலையில் உள்ளதாக தெரிவிக்கப்பட்டுள்ளது. இந்நிலையில், கே. எஸ். பி செங்கல் சூளைக்கு சொந்தமான புகை போக்கி கோபுரத்தை அதன் உரிமையாளர்கள் பாதுகாப்பு கருதி, கிரேன் உதவியுடன் அக்டோபர் நேற்று இடித்தனர். தடாகம் பள்ளத்தாக்கு பாதுகாப்பு குழுவினர், நெடுஞ்சாலையில் ஆபத்தான முறையில் இருக்கும் மற்ற புகை போக்கிகளையும் இடிக்க வேண்டும் என கோரிக்கை விடுத்துள்ளனர்.