பிரசாதம் சாப்பிட்ட 500 பேருக்கு உடல்நலக்குறைவு

மகாராஷ்டிர மாநிலம் புல்தானா மாவட்டம் லோனார் தாலுகா சோமதானா கிராமத்தில் செவ்வாய்க்கிழமை அதிர்ச்சி சம்பவம் நடந்துள்ளது. ஏகாதசியை முன்னிட்டு கிராமத்தில் அன்னதான நிகழ்ச்சி நடத்தப்பட்டது. அங்கு வழங்கப்பட்ட பிரசாதத்தை சாப்பிட்ட பக்தர்களுக்கு உணவு ஒவ்வாமை ஏற்பட்டது. இதில் சுமார் 500 பேர் வரை நோய்வாய்ப்பட்டனர். பாதிக்கப்பட்டவர்கள் லோனார், மெஹ்கர் மற்றும் சிந்த்கெட் ராஜா ஆகிய இடங்களில் உள்ள அரசு மருத்துவமனைகளில் சிகிச்சை பெற்று வருகின்றனர். அவர்களில் சிலர் ஆபத்தான நிலையில் உள்ளனர். மருத்துவக் குழுவினர் தொடர்ந்து கண்காணித்து வருகின்றனர்.