+2 தேர்வு முடிவு - நாளை வெளியாகும் மறுதேர்வுக்கான அறிவிப்பு

தமிழ்நாட்டில் 12ஆம் வகுப்பு பொதுத் தேர்வு முடிவுகள் இன்று வெளியானது. இந்த தேர்வில் 94.56 விழுக்காடு மாணவ, மாணவியர்கள் தேர்ச்சிப் பெற்றுள்ளனர். மொத்தம் 7.72 லட்சம் மாணவர்கள் தேர்வு எழுதிய நிலையில் 7 லட்சத்து 19 ஆயிரத்து 196 பேர் தேர்ச்சிப் பெற்றுள்ளனர். 2,478 பள்ளிகள் 100 விழுக்காடு தேர்ச்சிப் பெற்றுள்ளன. இந்நிலையில், இந்த பொதுத் தேர்வில் தோல்வி அடைந்த மாணவர்களுக்கான உடனடி மறுதேர்வு தொடர்பான அறிவிப்புகள் நாளை (மே 7) வெளியாகும் என அறிவிக்கப்பட்டுள்ளது.