కుక్కల దాడిలో బాలుడికి గాయాలు

ములుగు జిల్లా తాడ్వాయి గ్రామ పంచాయతీ పరిధిలో వీధి కుక్కలు స్వైర విహారం చేస్తున్నాయి. తాడ్వాయి గ్రామ పంచాయతీ పరిధి నర్సింగాపూర్ గ్రామానికి చెందిన బాలుడితో పాటు మరో ఇద్దరిపై కుక్కలు దాడి చేశాయి. ఈ దాడిలో బాలుడి కుడి చేతికి తీవ్ర గాయాలయ్యాయి. గమనించిన కుటుంబ సభ్యులు ములుగు ఏరియా ఆసుపత్రికి తరలించారు. గ్రామపంచాయతీ అధికారులు స్పందించి కుక్కల బెడద నుండి కాపాడాలని ప్రజలు కోరుతున్నారు.