నాటు.. నాటు.. నాటు..!రైతన్న సంక్షేమంలో మా సర్కారే గ్రేట్..!!

నాటు.. నాటు.. నాటు..!రైతన్న సంక్షేమంలో మా సర్కారే గ్రేటూ..!!రైతు బంధు వారోత్సవంలో మహిళలతో కలిసి వరి నాటు వేసి అలరించిన ఎమ్మెల్యే శంకర్ నాయక్. తన బోళాతనంతో తరచూ వివాదాల్లో.. వార్తల్లో నిలిచే మహబూబాబాద్ ఎమ్మెల్యే శంకర్ నాయక్ ఏది చేసినా టాక్ ఆఫ్ ద టౌన్ అవుతూనే ఉంటుంది. గురువారం మహబూబాబాద్ మండలం వేమునూర్ గ్రామం లో రైతులతో కలిసి రైతు బంధు ఉత్సవాల్లో పాల్గొంటూ. పనిలోపనిగా గిరిజన రైతు మహిళలతో కలిసి గిరిజన భాషలో పాటలు పాడుతూ వారినాటు వేసి ఎమ్మెల్యే శంకర్ నాయక్ అలరించారు.

మొదట సీఎం కేసీఆర్ చిత్రపటానికి పాలభిషేకం చేసి, సీఎం కేసీఆర్ నామాన్ని కరిగట్టు పొలంలో వరి నారుతో నాటు వేసి రూపొందించి "జై కేసీఆర్" నినాదాలతో రైతులను ఉత్సాహపరిచారు. అనంతరం మహిళ రైతులతో కలిసి గిరిజన భాషలో పాటలు పాడుతూ వరినాట్లు వేశారు.

ఈ సందర్భంగా ఆయన మాట్లాడుతూ. తాను రైతు కుటుంబంలో పుట్టినానని, రైతుల కోసం సీఎం కేసీఆర్ ఎన్నో పథకాలు ప్రవేశపెట్టారని, అందులో రైతు బంధు అద్భుతమైన పథకమని అన్నారు. రైతు సంక్షేమంతో దేశంలో మరే రాష్ట్రానికైనా తెలంగాణను రోల్ మోడల్ గా భావించేలా సీఎం కేసీఆర్ రైతులకోసం సంక్షేమ పథకాలను రూపొందించి అమలు చేశారని అన్నారు.

ఈ కార్యక్రమంలో నాయిని రంజిత్, సూదగని మురళి, యాస వెంకట్ రెడ్డి, అశోక్, షరీఫ్, వెంకన్న, కిషన్, సర్పంచులు, ఎంపిటిసిలు మరియు తదితరులు ఉన్నారు.