గరిమెళ్ళలో కేవికే స్వచ్చత క్యాంపెయిన్

కృషి విజ్ఞాన కేంద్రం మల్యాల వారి ఆధ్వర్యంలో బుధవారం బయ్యారం మండలం గురిమళ్ళ గ్రామంలో స్వచ్చత క్యాంపెయిన్ 2. 0లో భాగంగా స్వచ్చత కార్యక్రమం నిర్వహించడం జరిగింది. ఈ కార్యక్రమంలో విస్తరణ శాస్త్రవేత్త ఎన్. కిషోర్ కుమార్ మాట్లాడుతూ రైతులు స్వయం పరిశుభ్రతతో పాటు పంట వ్యర్థాలను కాల్చకుండ భూమిలో కలియ దున్నాలని, అలాగే పంట వ్యర్థాలు, పశువుల పెంటతో వానపాములను ఉపయోగించి నాణ్యమైన వర్మికంపోస్ట్ ఎరువును తయారు చేసుకోవచ్చని తెలిపారు. ఈ కార్యక్రమంలో వ్యవసాయ వాతావరణ పరిశీలకుడు ఎం. చిట్టిబాబు తదితరులు పాల్గొన్నారు.