పరిశుభ్రతపై అవగాహన ర్యాలీ

రాష్ట్ర ప్రభుత్వం ప్రవేశపెట్టిన స్వచ్ఛ సర్వేక్షణ గ్రామీణ పారిశుద్ధ్యం అవగాహన కార్యక్రమాన్ని కొత్తగూడ మండలంలోని జంగవానిగూడెం, ముస్మి గ్రామపంచాయితీల్లో స్వచ్ఛ సర్వేక్షణ కార్యక్రమ ర్యాలీని నిర్వహించారు. త్రాగునీరు, పారిశుద్ధ్య మంత్రిత్వ శాఖ ఆధ్వర్యంలో స్వచ్ఛ సర్వేక్షణలో భాగంగా గ్రామీణ స్వయం సహాయక సంఘాలతో ర్యాలీని నిర్వహించారు. ఈ సందర్భంగా జంగవాని గూడెం గ్రామపంచాయితి దరావత్ ఇంద్రజ, గ్రామ సర్పంచ్ ఈసం స్వామి మాట్లాడుతూ గ్రామాల్లో వ్యక్తిగత పరిశుభ్రత, మురికి నీటి నిర్వహణ, బహిరంగ మల విసర్జన నిషేధం, తడి పొడి చెత్త నివారణ, సామూహిక ప్రదేశాల్లో పారిశుద్ధం వంటి అంశాలలో పరిమాణాత్మక, గుణాత్మక విషయాలపై అవగాహన కల్పించారు. ఈ ర్యాలీలో వివో అధ్యక్షులు స్వరూప, వి. ఆర్. ఎ. లు సురేష్, యాకబాబు, కారోబార్ వేణు, గ్రామ సిబ్బంది పాల్గొన్నారు.