సిపిఐ 97వ ఆవిర్భావ దినోత్సవం

నెల్లికుదురు మండల కేంద్రంలో బైసా స్వామి సీనియర్ నాయకులు పతాకావిష్కరణ చేశారు. ఈ కార్యక్రమంలో సిపిఐ నెల్లికుదురు మండల కార్యదర్శి వారి వెంకన్న మాట్లాడుతూ భారత దేశంలో భారత కమ్యూనిస్టు పార్టీ 1925 లో స్థాపించబడింది అని ఈ దేశంలో అనేక పోరాటాలు చేసిన పార్టీగా పేద ప్రజల తరఫున కార్మిక కర్షకుల తరఫున అనేక ఉద్యమాలు చేసి ఈ రాష్ట్రంలో నిజాం కు వ్యతిరేకంగా సాయుధ పోరాటం చేసి పదిలక్షల ఎకరాల భూములు పంచిన చరిత్ర భారత కమ్యూనిస్టు పార్టీ అని ఇప్పటికీ కూడా అనేక పోరాటాలు ప్రజా సమస్యల పై నిరంతరం పోరాటం చేస్తున్న పార్టీ భారత కమ్యూనిస్టు పార్టీ అని అన్నారు. ఈ కార్యక్రమంలో మండల సహాయ కార్యదర్శి తోటి వెంకటరెడ్డి చిర్ర సత్యనారాయణ గారె అనిల్ గుండె జు పద్మ సీనియర్ నాయకులు బొడ్డు బ్రహ్మయ్య తదితరులు పాల్గొన్నారు.