కల్లుగీత కార్మిక సంఘం వార్షికోత్సవాల కరపత్రాలు విడుదల

చిట్యాల మండల కేంద్రంలో మంగళవారం స్థానిక మేకల లింగయ్య స్మారక భవనంలో జరిగిన కల్లు గీత కార్మిక సంఘం మండల సమావేశానికి ఆ సంఘం రాష్ట్ర ఉపాధ్యక్షులు పామనుగుళ్ళ అచ్చాలు ముఖ్య అతిథిగా హాజరై మాట్లాడారు. అక్టోబర్ 18న హైదరాబాద్ లోని సుందరయ్య విజ్ఞాన కేంద్రంలో కల్లు గీత కార్మిక సంఘం అరవై ఏడవ వార్షికోత్సవాల వేడుక నిర్వహించనున్నట్లు తెలిపారు. ఈ సందర్భంగా సంఘం వార్షికోత్సవాల కరపత్రాలను మండల నాయకులతో కలిసి విడుదల చేశారు.