దేవరకొండ: రికార్డు స్థాయిలో ఆర్టీసీ ఆదాయం

దేవరకొండ ఆర్టీసీ డిపో దసరా ఆదాయంలో రికార్డులు సృష్టిస్తోంది. ఈనెల 14న తిరుగు ప్రయాణంలో నడిపిన బస్సుల ద్వారా 47. 83 లక్షల రూపాయలు ఆర్జించి, ఓఆర్ 162. 42 శాతంతో రాష్ట్రంలో నెంబర్ వన్ గా నిలిచింది. ఈ సందర్భంగా మంగళవారం ఉద్యోగులు కేక్ కోసి మిఠాయిలు పంచారు. కాగా 45 వేల 533 కిలోమీటర్లు బస్సులు నడిపి 54, 965 మందిని గమ్యస్థానాలకు చేర్చామని, ఇందులో 35, 695 మంది మహిళా ప్రయాణికులు ఉన్నట్లు డిఎం రమేష్ తెలిపారు.