వనపర్తి: విద్యుత్ షాక్... రెండు గొర్రెలు మృతి

వనపర్తి జిల్లా రూరల్ మండలం రాజనగరంలో సోమవారం సాయంత్రం విద్యుత్ షాక్ తో 2 గొర్రెలు మృతి చెందాయి. యజమాని గొల్ల కిష్టయ్య మాట్లాడుతూ రాజనగరం బ్రాహ్మణవాడ విద్యుత్ ట్రాన్ ఫార్మర్ వద్ద గొర్రెలు మేపుతుండగా ఎర్త్ వైర్ కు తగలడంతో విద్యుత్ షాక్ తో 2 గొర్రెలు మృతి చెందాయి. మిగతా గొర్రెలను దూరం తోలానని, లేదంటే మరిన్ని చనిపోయేవన్నారు. రూ. 30 వేల నష్టం జరిగిందన్నారు. ప్రభుత్వం తనను ఆదుకోవాలన్నారు.