ఆళ్లపల్లి: ఇంట్లోకి దూసుకెళ్లిన ట్రాక్టర్
మద్యం మత్తులో ఉన్న డ్రైవర్ నిర్లక్ష్యంగా నడపడంతో ట్రాక్టర్ ఓ ఇంట్లోకి దూసుకెళ్లిన ఘటన ఆళ్ళపల్లి మండలంలో సోమవారం చోటుచేసుకుంది. మర్కోడు పంచాయతీ పరిధిలో పలు గ్రామాల్లో నూతన విద్యుత్ స్తంభాల పనుల నిమిత్తం ఓ గుత్తేదారు ఇల్లందు నుంచి మర్కోడుకు ట్రాక్టర్ తీసుకొచ్చారు. డ్రైవర్ మద్యం తాగి ఉండటంతో మర్కోడులో స్పీడ్ బ్రేకర్ ను చూడకుండా ట్రాక్టర్ వేగంగా నడపడంతో అదుపుతప్పి రాంబాబు ఇంట్లోకి దూసుకెళ్లింది.
