ఆలయ ప్రాంగణానికి త్వరలోనే మరమ్మత్తులు చేయిస్తాం

ఇటీవలి గోదావరి వరదలతోపాటు భారీ వర్షాలకు దెబ్బతిన్న బూర్గంపాడ్ మోతెగడ్డ వీరభద్రస్వామి ఆలయ గోడను తిరిగి నిర్మిస్తామని ఎమ్మెల్యే పాయం వెంకటేశ్వర్లు తెలిపారు. ఆలయాన్ని సోమవారం ఆయన సందర్శించి వరదలకు కోతకు గురైన ప్రాంతాన్ని పరిశీలించారు. వరదలకు కొద్దిమేర ప్రహరీ దెబ్బతిందని తెలిపారు. అవసరమైన ప్రతిపాదనలు సిద్ధం చేసి త్వరితగతిన పనులు పూర్తి చేయిస్తామని పేర్కొన్నారు.