కాగజ్నగర్లో పోలీసుల క్యాండిల్ ర్యాలీ

పోలీస్ అమరవీరుల సంస్మరణ దినోత్సవం సందర్భంగా బుధవారం కాగజ్‌నగర్‌ పట్టణంలో టౌన్ సీఐ శంకరయ్య ఆధ్వర్యంలో పోలీసులు, పట్టణ ప్రజలు కొవ్వొత్తుల ర్యాలీ నిర్వహించారు. విధి నిర్వహణలో అమరులైన పోలీసుల జ్ఞాపకాలను స్మరించుకుంటూ ర్యాలీ నిర్వహించామని సీఐ తెలిపారు. ఈ ర్యాలీ లారీ చౌరస్తా, రాజీవ్ గాంధీ చౌరస్తా మీదుగా పట్టణంలోని మెయిన్ మార్కెట్, రాజీవ్ చౌక్ వరకు సాగింది. ఎస్ఐలు ధీకొండ రమేష్, అనిల్ యువకులు పాల్గొన్నారు.